2006-cı ildə yanacaq-energetika balansına əsasən, "Azəriqaz" SC-yə 6 mlrd. 521 mln.m3 qaz verilməsi nəzərdə tutulur ki, bu da ötən il olan 1 mlrd. 559 mln.m3 həcmindən çoxdur. Trend in məlumatına görə, bu barədə SC-nin rəhbəri Əlixan Məlikov bildirib. 2004-cü ildə bu göstərici 4 mlrd. 175 mln.m3, 2005-ci ildə - 4 mlrd. 963 mln.m3 qaz təşkil edib. 2005-ci ildə əhaliyə 3 mlrd. 012 mln.m3 qaz verilib. 2006-cı ildə bu həcm 3 mlrd. 140 mln.m3-dək artırılacaq.
Yanacaq-energetika balansında gözlənilməyən hallarda istifadə üçün daha 120 mln.m3 qaz nəzərdə tutulub. Bu həcmin bir hissəsi (təxminən 20 mln.m3) Gürcüstanda yaranmış fövqəladə vəziyyət zamanı qaz tədarükü üçün istifadə olunub.
A.Məlikov qeyd edib ki, bu ilin sonunadək abunəçilərə verilən qaza görə tariflərin artırılması nəzərdə tutulmur. "Azəriqaz"ın rəhbəri qeyd edib ki, 2007-ci ilin sonunadək respublikanın qazpaylayıcı şəbəkələrinin idarə edilməyə verilməsi yaxud özəlləşdirilməsi gözlənilmir.
