Fevralın 23-də "Azəri-Çıraq-Günəşli" yatağının işlənib hazırlanması layihəsi çərçivəsində "Azəri"nin mərkəzi hissəsində hasil edilən səmt qazının 6 mln. 958 min kub metri "Azəriqaz" QSC-yə verilib. Trend bu barədə AR DNŞ-in rəsmi saytına istinadən bildirir.
Məlumatda qeyd olunur ki, bu ilin fevralın 1-dən 23-dək dövlətə 128 mln. 223 min kub. metr qaz verilib. "Mərkəzi Azəri" yatağında səmt qazının ixracına başlandığı vaxtdan 1 mlrd. 84 mln. 525 min kub metr qaz alınıb.
Bu il Azərbaycan ABƏŞ-dən 3,3 mlrd. kub metr səmt qazının alınmasını planlaşdırır.
