Anshad Petrol BM və Gobustan Operating Company əməliyyət şirkəti 2006-cı ilin yanvar-iyun aylarında ARDNŞ-yə 14,4 mln. kub metr sərbəst qaz satıb ki, bu da ötən ilin müvafiq dövri ilə müqayisədə 0,1 mln. kub metr çoxdur. Bu barədə Trend ə ARDNŞ-dən məlumat verilib. ARDNŞ-in məlumatına əsasən, iyunda şirkətlər tərəfindən şirkətə 1,3 mln. m3 qaz satılıb.
Anshad Petrol "Neftçala", "Xıllı" və "Babazanan" müqavilə sahələrinin quyularından qaz hasil edilir. Birgə müəssisə sərbəst qazın satışına (2 mln. kub metr həcmində) 2004-cü ilin aprelində başlanıb. ARDNŞ Anshad Petrol-dan qazı 65 min AZM (təxminən $13/1 min m3) qiymətilə alır və "Azəriqaz" SC-yə verir ki, o da öz növbəsində qazı "Aztransqaz" İB vasitəsilə paylaşdırır. GOC ARDNŞ-ə qazı $1.29/1 mln. BTU ($1.29/1 mln. BTU - təxminən $46/1 min m3) qiymətilə satır.
Gobustan Operating Company (GOC) ARDNŞ ilə imzalanmış PSA-ya əsasən Cənub-Qərb" blokunun işlənilməsilə məşğuldur. Bu şirkət sərbəst qazın satışına bu ilin fevralında başlayıb. GOC-da iştirak payının 80%-i Commonwealth Gobustan Limited, 20%-i ARDNŞ-ə məxsusdur. Commonwealth Gobustan Limited-də 37,17% Arawak Energy, 62,83% - China National Petroleum Company şirkətlər qrupuna məxsusdur.
Anshad Petrol 1993-cü ildə ARDNŞ ilə Türkiyənin Atilla Dogan Petrol şirkəti arasında "Neftçalaneft" NQÇİ əsasında yaradılıb. 1994-1996-cı illərdə Anshad Petrol-un operatoru Atilla Dogan Petrol olub, 1997-ci ildən isə ARDNŞ bu funksiyanı öz üzərinə götürüb. 1995-ci ildə Malayziyanın Land and General Berhad şirkəti Atilla Dogan Petrol-un 17,15%-lik payını alaraq layihə iştirakçısına çevrilib.
