Polish Oil and Gas Company (POGC) quruda yerləşən "Buzovna-Maştağa" yatağının yenidən reabilitasiyası və işlənməsi barədə hələ Azərbaycanın Dövlət Neft Şirkəti (ARDNŞ) ilə razılığa gələ bilməyib.
ARDNŞ-dən Trend ə verilən xəbərə görə, tərəflər bir neçə raund danışıqlar keçirib və POGC şirkətinin bəzi şərtləri Dövlət Neft Şirkətini qane etmir.
Polşa şirkəti yenə də "Buzovna-Maştağa" yatağına qayıtmaq istəyir. Əvvəllər də bu yatağın yenidən işlənmə məsələsi gözdən keçirilib, lakin sonra POGC öz niyyətindən əl çəkib. Şirkətlər arasında "Qarşılıqlı anlaşma haqqında" memorandum imzalanıb.
Polşanın neft-qaz şirkətinin ekspert qrupu may ayının sonunda Bakıda olub və ARDNŞ-də bir sıra görüşlər keçirilib. Arasında geoloqlar, yataqların işlənməsi üzrə mütəxəssislər və digər ekspertlərin olduğu şirkət nümayəndələri (cəmi 7 nəfər) ARDNŞ-in geologiya və geofizika üzrə birinci vitse-prezidenti Xöşbəxt Yusifzadə ilə görüşüblər.
ARDNŞ-də qeyd ediblər ki, Dövlət Neft Şirkəti bu məsələ üzrə digər potensial xarici investorlarla da işləyə bilər.