Birinci yarım ildə Azneftkimyamaş SC 8,5 mln. manat həcmində məhsul satıb ki, bu da 2005-ci ilin müvafiq dövründəki göstərici ilə eynilik təşkil edir. SC-dən Trend ə verilən məlumata əsasən, bu müddət ərzində məhsul ixracı 60%-ı keçib. Qalan hissə isə daxili bazarda satılıb.
Azneftkimyamaş SC Azneftkimyamaş dövlət şirkətinin əsasında respublika prezidentinin 2001-ci il 22 mart tarixli sərəncamı ilə yaradılıb.
Yanvar-yiun aylarında yüksək ixrac göstəricisi Səttarxan adına maşınqayırma zavodunda -500 min manat, Sabunçu NEZ - 400 min manat, Bakı Fəhləsi maşınqayırma zavodu - 800 min manat, Sərdarov adına zavod - 250 min manat həcmində müşahidə olunub.
Məhsul Rusiya (təxminən 400 min manat), Qazaxıstan (təxminən 600 min manat), Əfqanıstan (170 min manat), eləcə də Özbəkistan, Türkmənistan və Estoniyaya ixrac olunub.
İstehsal olunan ümumi məhsulun həcmi bu müddət ərzində 10 mln AZN təşkil edib ki, bu da 2005-ci ilin analoji dövrü ilə müqayisədə 4,5% çoxdur.