Azərbaycan Dövlət Neft Şirkəti (ARDNŞ) avqust ayında Novorossiysk limanından gətirilən 209 min ton Ural neftinin satışı üzrə tenderi bağlayıb. ARDNŞ-dən Trend ə verilən xəbərə görə, yüklənmə iki partiya ilə həyata keçiriləcək. Onlardan biri - 131 min ton avqustun 28-29-da göndəriləcək. Bu partiyanın alıcısı Glencore treyderi olub. 78 min tonluq ikinci partiya avqustun 30-31-də göndəriləcək. Tenderin qalibi Select Energy olub.
Keçən aylar ARDNŞ bu boru kəməri ilə ayda 60 min ton neft göndərib. Bu onunla izah olunur ki, boru kəmərinin operatoru -ABƏŞ bu kəmər ilə ACG Croup tərəfdaşlarının (Exxon və Devon istisna olmaqla) neftini nəql edirdi. Bakı-Tbilisi-Ceyhan boru kəmərinin işə salınması ilə həcmlərin bir hissəsi bu marşruta yönəldillib.
2005-ci ildə ARDNŞ Novorossiysk limanından 1,631 mln. ton neft göndərib. 2004-cü ildə bu göstərici 2,559 mln. ton olub.
2006-cı ilin əvvəlindən Novorossiyskdən ARDNŞ-in neft partiyasını alan şirkətlər aşağıdakılardır:
Yanvar - Glencore (85 min ton);
Fevral - Taurus Petroleum (140 min ton);
Fevral - Glencore (60 min ton);
May - Glencore (60 min ton);
İyun - Glencore (60 min ton);
İyul - Glencore (60 min ton);
Avqust - Glencore (131 min ton);
Avqust - Select Energy (78 min ton).
