Türkiyənin Ceyhan limanından böyük həcmdə şəxsi Azeri Light nefti yüklədiyinə görə, Azərbaycanın Dövlət Neft Şirkəti (ARDNŞ) sentyabr ayında Gürcüstanın Batumi limanından xammal satmağı planlaşdırmır. Bu barədə Trend ə ARDNŞ-dən bildirilib.
"Azəri-Çıraq-Günəşli" dəniz yataqları blokunda hasil edilən neft Ceyhan limanına Bakı-Tbilisi-Ceyhan (BTC) boru kəməri ilə, gürcü limanına isə dəmir yolu ilə çatdırılır.
Sentyabr ayında ARDNŞ iki tanker partiyası ilə Ceyhandan ümumi olaraq 215 min ton neft yükləyəcək: 80 min ton (600 min barel) yaxın vaxtlarda elan olunacaq tenderdə satılacaq, 135 min ton (1 mln. barel) neft isə (cost oil) treyderlər vasitəsilə (Glencore və Select Energy Trading) uzunmüddətli müqavilə əsasında satılacaq.
Bu gün Batumidən 80 min ton (600 min barel) həcmində Azərbaycanın Azeri Light növlü nefti ilə tankerin göndərilməsi nəzərdə tutulub.
Sentyabr ayında həmçinin Novorossiysk limanından ARDNŞ -in neft partiyalarının mütəmadi şəkildə göndərilməsi planlaşdırılıb. Neft limana Bakı-Novorossiysk boru kəməri ilə çatdırılır.
