"Azəriqaz" QSC "Şahdəniz" yatağından hasil edilən qazı milli qaz-nəqliyyat sisteminə qəbul etmək üçün 68 km uzunluğunda Səngəçal-Qaradağ-Hacıqabul qaz kəmərini inşa etmək niyyətindədir. Hazırda bu layihənin maliyyələşdirilməsi məsələsinə baxılır. Bu barədə Trend ə QSC-dən məlumat verilib.
Hazırda layihənin texniki-iqtisadi əsaslandırılması hazırlanıb və layihə üzrə işlər həyata keçirilir. Yüksək təzyiqli qaz kəmərinin inşa dəyəri $45 mln həcmində qiymətləndirilir.
"Azəriqaz" "Şahdəniz" yatağından qazın qəbulu ilə bağlı texniki məsələləri həll edir. Lazım gələrsə, Azərbaycan öz həcmindən başqa, Türkiyə tərəfinə məxsus həcmi də qəbul etməyə hazırdır. Ancaq bu, Türkiyənin tədarük zamanı "Şahdəniz"dən qaz qəbul etməyə hazır olmadığı halda baş verə bilər.
