Azərbaycan Dövlət Neft Şirkətinin Magistral Boru Kəmərləri İdarəsi Əli Bayramlı NDS-də 6 kV-luq paylayıcı qurğunun əsaslı təmiri ilə əlaqədar açıq tender elan edib. Bu barədə Trend xəbər verir.
Tender təkliflərinin qiymətləndirilməsi zamanı aşağıdakı meyarlara üstünlük veriləcək: aşağı qiymət, yüksək keyfiyyət, təmir işlərində təcrübə, iddiaçının potensialı, onun maliyyə və texniki vəziyyəti, müqavilənin vaxtında yerinə yetirilməsi.
Tenderdə iştirak etmək üçün iddiaçılar sənədləri 2006-cı ilin oktyabrın 5-dək təqdim etməlidirlər. Tender təklifi iki nüsxədə ikiqat möhürlənmiş zərfdə 2006-cı ilin oktyabrın 12-də idarənin tender komissiyasına təqdim olunmalıdır. İddiaçının tender təklifi Azərbaycan Respublikasının dövlət dilində tərtib olunmalıdır. Bu müddətdən gec təqdim olunan zərflər geri qaytarılacaq.