...

"EES Rossii" RSC nümayəndə heyətinin Bakıya səfəri gözlənilir

Energetika Materials 12 Oktyabr 2006 20:19 (UTC +04:00)

Trend-i buradan izləyin

Rusiyanın "EES Rossii" RSC enerji şirkətinin nümayəndə heyətinin oktyabrın sonlarında Bakıya səfəri planlaşdırılıb. Bu barədə Trend ə hökumətdən xəbər verilib. Səfər Azərbaycan və Rusiya hökumətlərinin elektrik enerjisi sahəsində əməkdaşldığın genişləndirilməsi üzrə planları çərçivəsində həyata keçiriləcək.

Əməkdaşlığın prioritet istiqamətləri elektrik enerjisinin qarşılıqlı ötürülməsidir. Rusiya həmçinin enerji istehsalı sahəsində və enerji paylayıcı şəbəkələrində iştirak etməkdə maraqlıdır.

Rusiyanın iqtisadi inkişaf və ticarət naziri German Qrefin oktyabrın 5-6-da Bakıya səfəri zamanı bu sahələrdə əməkdaşlığın davam etdirilməsi ilə bağlı razılaşma əldə olunub. Enerji paylayıcı şəbəkələr sahəsində əməkdaşlığa dair ikitərəfli konkret danışıqlar isə "EES Rossii" RSC nümayəndə heyətinin səfəri zamanı baş tutacaq.

Trend in artıq xəbər verdiyi kimi, biznesi genişləndirmək üçün "EES Rossii" RSC-nin Azərbaycanda nümayəndəliyinin açılması planlaşdırılıb. "İNTER RAO EES" qapalı səhmdar cəmiyyətinin baş direktor müşaviri Boris Zverevin sözlərinə görə, şirkət Azərbaycanda enerji paylayıcı şəbəkələrinin "EES Rossii" RSC-nin idarəçiliyinə verilməsi məsələsini nəzərdən keçirməyə hazırdır və Azərbaycan tərəfindən bununla bağlı müvafiq təklif gözləyir.

Xəbər lenti

Xəbər lenti