Hal-hazırda "Azərenerji" səhmdar cəmiyyətində SCADA sisteminin yaradılmasının birinci mərhələsi başa çatmaq üzrədir. Trend in xəbər verdiyi kimi, bu barədə səhmdar cəmiyyətin prezidenti Etibar Pirverdiyev məlumat verib.
SC təmsilçisinin verdiyi məlumata görə, sistem imitasiya, yəni test rejiminə daxil ediləcək. Bir ay ərzində sistem test rejimində işləyəcək. "Sonra köhnə dispetçer mərkəzi yeni yerə köçürüləcək", - deyə o bildirib.
Həmin layihənin birinci mərhələsi Almaniyanın KfW bankı tərəfindən ayrılmış 2,5 mln. avro məbləğində vəsait hesabına gerçəkləşdirilib. Layihənin inkici mərhələsini isə gələn il Dünya Bankının vəsaitləri hesabına gerçəkləşdirmək nəzərdə tutulub.
"Azərenerji"nin prezidenti bildirib ki, layihənin ikinci mərhələsinin ümumi dəyəri $55 mln. məbləğində qiymətləndirilir. Bunun da $47 mln.- nu DB, $8 mln.-nu isə Azərbaycan tərəfi ayıracaq.
