"Abşeron" Qazma İşləri İdarəsi "Balaxanıneft" Neft-Qaz Çıxarma İdarəsinin 8 mədənində yeni qaz quyusunun qazılmasını başa çatdırıb. Quyu 1 350 metr dərinliyində qazılıb. Quyunun sutkalıq debiti 60 min kubmetr qaz təşkil edir. Trend in xəbər verdiyi kimi, bu barədə Azərbaycan Dövlət Neft Şirkətinin mətbuat xidmətindən bildiriblər.
Qazma idarəsi qazma üzrə illik proqnozu bu ilin avqust ayında yerinə yetirib. Bu vaxta qədər planlaşdırılımış 21 300 metr əvəzinə 21 310 metr qazılıb. Cari ilin 10 ayı ərzində idarə tərəfindən 31 291 metr qazılıb.