...

Xarici şirkət Azərbaycanın quru yatağındakı neft ehtiyatlarının həcmini açıqlayıb

Energetika Materials 31 Oktyabr 2006 18:55 (UTC +04:00)

Trend-i buradan izləyin

Azərbaycandakı "Cənub-Qərbi Qobustan" quru yatağının işlənilməsi üzrə layihənin iştirakçısı olan "Arawak Energy" şirkəti elan edib ki, müqavilə sahəsində təsbit olunmuş neft ehtiyatı 4,331 mln. barrel təşkil edir, xammalın təsbit olunmuş və mümkün ehtiyatı isə 17,13 mln. barrel həcmində qiymətləndirilir. Bu barədə Trend şirkətin məlumatına istinadən xəbər verir.

Sənəddə qeyd olunur ki, "Cənub-Qərbi Qobustan" yatağındakı ehtiyatların əsas hissəsi - 97,7% - "Sahilyanı Blok"un, 2 %-i "Mərkəzi Blok"un, 0,3%-i isə "Şimal Blok"un payına düşür.

Karbohidrogenlərin yatım dərinliyi 250-dən 4500 metrə qədər dəyişir. Belə ki, "Şimal Blok"unda layların yatım dərinliyi 250 metr, "Sahilyanı Blok"da isə 4500 metrdir.

ARDNŞ ilə bağlanmış PSA üzrə "Cənub-Qərbi Qobustan" yatağının işlənilməsi ilə "Gobustan Operating Company" (GOC) məşğul olur. GOC-da 80 %-lik iştirak payı "Commonwealth Gobustan Limited" (CGL) şirkətinə, 20 %-lik isə ARDNŞ-ə məxsusdur. CGL-də 37,17% "Arawak Energy" şirkətinə, 62,83% isə "China National Petroleum Company" şirkətlər qrupuna məxsusdur.

Xəbər lenti

Xəbər lenti