Azərbaycan Dövlət Neft Şirkətindən (ARDNŞ) Trend ə bildiriblər ki, Bakı-Tbilisi-Ceyhan (BTC) boru kəməri ilə ötürülən "Azeri Light" markalı neft partiyasının Türkiyənin Ceyhan limanından yüklənməsi üçün tender elan edilib.
Partiyanın həcmi 1 mln. barrel (yaxud 135 min ton) təşkil edəcək. Yükləmə 2007-ci ilin 6-8 yanvar tarixlərində planlaşdırılır. Tenderin nəticələri 14 dekabrda aparılacaq.
AZERI LT FOB Ceyhan - neftinin 7 dekabr üçün qiyməti $61,94/barr. ( əvvəlki qiymətə görə $0,74/barr aşağı düşüb) təşkil edib.
Ceyhandan ARDNŞ-ın neft partiyasını 2006-cı ildə aşağıdakı şirkətlər alıb:
Statoil - avqust (1 mln. barrel);
Arcadia - sentyabr (600 min barrel);
Select Energy GmbH - noyabr (1 mln. barrel);
Glencore Energy UK Ltd - dekabr (600 min barrel);
Select Energy GmbH -dekabr (600 min barrel);
Addax BI - dekabr (600 min barrel);
Sumato Energy Group - dekabr (600 min barrel).
