Yaxın bir neçə gün ərzində "Şahdəniz" qaz-kondensat yatağında ilk qabaqlayıcı quyunun fəal testləri başa çatmalıdır və bundan sonra hasilatın davam etdirilməsi haqqında qərar qəbul olunacaq. Bu barədə Trend xəbər verir.
BP Azerbaijan əvvəllər problemlərin müşahidə olunduğu ilk qabaqlayıcı quyuya məhlulun tökülməsini başa çatdırıb. İlkin məlumatlara görə, problemlər həll olunub. Yataqda hasilat yaxın günlərdə bərpa oluna bilər.
Hasilatın texniki səbəblərdən dayandırıldığı "Şahdəniz" yatağında ilk qabaqlayıcı quyuda, 800-900 metr dərinliyində qaz sızması aşkar edilib.
Fevral ayının ortalarında şirkət ikinci qabaqlayıcı quyunu işə salmaq niyyətindədir. Hazırda onun birləşdirilməsi və hasilatın başlanması üzrə işlər davam etdirilir.
Birinci quyuda qaz hasilatı dekabrın 15-də başlayıb. Sutkada birinci quyudan 5,6 mln. m3 qaz və 2,5 min ton qaz kondensatı hasil edilib.
"Şahdəniz"in işlənmə layihəsinin "Mərhələ-1" çərçivəsində plato mərhələsində ildə 8,6 mlrd. kubmetr qaz hasil edilib. 2007-ci ildə "Şahdəniz"dən 5,4-5,6 mlrd. kubmetr qaz hasil edilib.