BP Azerbaijan martın əvvəlinədək "Şahdəniz" qaz-kondensat yatağında hasilatı bərpa edəcək. Bu barədə Trend xəbər verir.
Hazırda birinci qabaqlayıcı quyuda problemlər həll olunur və eyni zamanda ikinxi qabaqlayıcı quyu platforma ilə birləşdirilir. Ona görə də hasilatın birinci növbədə məhz hansı quyudan başlayacağı hələ məlum deyil.
Birinci qabaqlayıcı quyu orada yaranmış problem səbəbindən dayandırılmışdı. Əvvəl BP problemin olduğu birinci qabaqlayıcı quyuya məhlulun tökülməsini başa çatdırıb. Məhlul töküldükdən sonra quyuda yenə də qaz müşahidə olunub və nəticədə o dayandırılıb. Problemin həlli üçün məhlulun yenidən tökülməsi, xüsusi blokada edən yamağın vurulması və ya sütunun qaldırılması variantları nəzərdən keçirilir.
"Şahdəniz"in işlənmə layihəsinin "Faza-1" çərçivəsində plato mərhələsində ildə 8,6 mlrd. kubmetr qaz hasil olunacaq. 2007-ci ildə "Şahdəniz"dən 5,4-5,6 mlrd. kubmetr qaz hasil ediləcək.