AzəriFugro Azərbaycan-Niderland birgə müəssisəsinin Qazaxıstanda apardığı işlərin nəticəsində əldə olunmuş məlumatların laborator tədqiqatı çox ehtimal ki, Azərbaycanda aparılacaq. Bu barədə Trend ə şirkətdən məlumat verilib.
Əvvəllər Qazaxıstan tərəfi analoji laboratoriyanın öz ərazisində yaradılmasına qərar verib. Həmin laboratoriyada əldə olunmuş məlumatların interpretasiyası həyata keçiriləcəkdi. Hazırda bu qərara baxılmır.
Geotexniki işlər "Agip KCO" şirkətinin sifarişi ilə Xəzər dənizinin Qazaxıstan sektorunda aparılıb. İşlər Atırau şəhərindən aralıda dənizdə aparılıb. AzəriFugro qruntun mühəndis tədqiqatlarını, həmçinin süni adadan sahilə qədər boru kəmərinin alt qatında geotexniki işlər aparıb. Geotexniki quyuların qazılması Qazaxıstan sektoruna aid olan barjada həyata keçirilib.