Azərbaycan, Bakı/ Trend müxbir S.Əliyev/Azərbaycan Beynəlxalq Əməliyyat Şirkəti (ABƏŞ) Bakı-Novorossiysk kəmərinə operatorluqdan imtina etmək və bu səlahiyyəti Azərbaycan Dövlət Neft Şirkətinə (ARDNŞ) vermək niyyətindədir. Bu barədə ARDNŞ-in Marketinq və İqtisdai Əməliyyatlar İdarəsinin rəhbəri Muxtar Babayev bildirib.
31 dekabr 2007-ci ildə ABƏŞ və "Transneft" arasında Bakı-Novorossiysk kəməri üzrə saziş bitir.
Babayevin sözlərinə görə, "Transneft"lə yeni saziş imzalanan zaman Qazaxıstan neftinin bu kəmərlə ixracı məsələsi də qaldırıla bilər.
Bakı-Novorossiysk kəməri ilə neftin bir tonunun ixracı 15,67 dollar təşkil edir.
O qeyd edib ki, texniki səbəblər ucbatından ötən ilin oktyabrından fəaliyyətini dayandırmış Bakı-Supsa kəməri avqust ayında istismara buraxılmalı idi, amma ABƏŞ (kəmərin operatoru) bir kilometr uzunluğunda olan dayaq zonası tikməyi qərara alıb. "Bu, kəmərin istismara buraxılmasını bir qədər də ləngidə bilər" - deyə Babayev bildirib.
