Azərbaycan,Bakı/müxbir Trend S.Əliyev/ "BP Azerbaijan" çərşənbə günü "Şahdəniz" yatağında qaz və kondensat hasilatını bərpa edib. Hasilat TPG-500 platformasında işlərin aparılmasının təhlükəsizliyi məqsədilə bir neçə gün dayandırılmışdı. Bu barədə cümə axşamı hökumətdən məlumat verilib.
"Hazırda hasilat quyusu normal rejimdə işləyir" - deyə hökumətdən bildirilib.
Yataqda hazırda qabaqlayıcı qazma proqramı çərçivəsində qazılmış ikinci quyu işləyir. Həmin quyunun sutkalıq debiti təxminən 5,1 mln. kubmetr qaz və 12 min barrel kondensatdır.
"Şahdəniz"in işlənməsi üzrə layihənin "Mərhələ-1" çərçivəsində plato mərhələsində ildə 8,6 mlrd. kubmetr qaz hasil olunacaq. 2007-ci ildə isə "Şahdəniz"dən 2,8 mlrd. kubmetr qaz hasil olunacaq.
