Azərbaycan, Bakı/ Trend / Bu gün Azərbaycan Respublikası Dövlət Neft Fondunda (ARDNF) fondun icraçı direktoru Şahmar Mövsümov ABŞ Dövlət katibinin iqtisadi, energetika və biznes məsələlərinə dair müşaviri Deniel Sallivanla görüşüb. Bu barədə xəbər fondun yaydığı məlumatda göstərilib.
Görüşdə Dövlət Neft Fondunun fəaliyyəti, maliyyələşdirdiyi layihələr, Fondun vəsaitlərinin idarə olunması və xarici maliyyə bazarlarında yerləşdirilməsi müzakirə olunub. Həmçinin Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) Azərbaycanda tətbiqi müzakirə mövzusu olub.
