Azərbaycan, Bakı / Trend , müxbir İ.Xəlilova/ Cənubi Koreyanın KEPKO şirkəti 2007-ci ilin aprelində imzalanan Memorandum əsasında oktyabr ayında Azərbaycanın Sənaye və Energetika Nazirliyinə qazla işləyən özəl elektrik stansiyasının inşasının texniki-iqtisadi əsaslandırılmasını (TİƏ) təqdim edəcək. Bu bərədə sözügedən nazirliyin investisiya siyasəti və sənaye müəssisələrinin yenidən qurulması Departamentinin direktoru Ramiz Rzayev məlumat verib.
Onun sözlərinə görə, layihənin dəyəri texniki-iqtisadi əsaslandırılma hazır olduqdan sonra müəyyənləşdiriləcək. Dünya təcrübəsində bu cür layihələr təxminən $1 mlrd. investisiya tələb edir.
Stansiyanın yerləşəcəyi ərazi hələ müəyyənləşdirilməyib. Hələlik 700 mVt gücündə bir elektrik stansiyasının tikintisi nəzərdə tutulur. Azərbaycanda bu gün bütün elektrik stansiyasıları mazutla işləyir. Halbuki, 2007-ci ilədək onlar Rusiyadan idxal olunan qazla da işləyib. Lakin Rusiya qazından imtinadan sonra bütün elektrik stansiyaları mazutla işləməyə keçirilib.
