...

2008-ci ildə Microsoft Windows Vista və Microsoft Office 2007 paketinin Azərbaycan dilinə tərcüməsi tamamlana bilər

Telekommunikasiya Materials 6 Dekabr 2007 18:30 (UTC +04:00)

Azərbaycan, Bakı/ Trend , müxbir S.Babayeva/ 2008-ci ildə Microsoft Windows Vista və Microsoft Office 2007 paketini Azərbaycan dilində təqdim edilə bilər. Bu barədə cümə axşamı layihənin moderatoru, Azərbaycan prezidenti İcra Aparatının informasiya resursları və texnologiyaları şöbəsinin müdiri Elmir Vəlizadə məlumat verib. Onun sözlərinə görə, layihənin reallaşdırılması uğurla gedir və işlərin böyük hissəsi görülüb. Vəlizadə bildirib ki, layihənin əvvəlində 600 min söz və söz birləşməsini tərcümə etmək lazım idisə, indi bu rəqəm 1 mln.-u ötüb. Microsoft Azerbaijan Microsoft Windows Vista əməliyyat sisteminin və Microsoft Office 2007 paketinin Azərbaycan dilinə tərcümə edilməsinin (lokallaşdırılmasının) əsas mərhələsinin ötən ilin oktyabrında başladığını bildirib. İşlər Microsoft Azerbaijan şirkəti və onun Azərbaycandakı rəsmi nümayəndəsi Sinam Ltd. Arasında bağlanan müqavilə çərçivəsində aparılır. Bu, Microsoft - un Azərbaycanda lokallaşdırılan ikinci məhsulu olacaq. Bu ilin iyununda Korporasiya Microsoft Windows XP əməliyyat sisteminin Azərbaycan dilinə lokallaşdırılmasının başa çatdığını elan edib. Lokallaşdırmaya MS Windows XP əməliyyat sisteminin Azərbaycan dilində terminoloji lüğətinin yaradılması daxildir.

Xəbər lenti

Xəbər lenti