Azərbaycan, Bakı / Trend müxbir S.Babayeva/ Azərbaycan Rabitə və İnformasiya Texnologiyaları Nazirliyinin məlumatında bildirilir ki, yanvar-noyabr ayları ərzində nazirlik 96 minə yaxın ailəni telefonla təmin edib.
Bu dövr ərzində istismara verilən telefon nömrələrinin ümumi sayı 95 766 vahid təşkil edib. 59 448 nömrə "Baktelekom" İB-nin, qalan hissəsi, 36 318 vahid isə "Aztelekom"un payına düşür.
2006-cı ildə Rabitə Nazirliyi 280 594 ədəd nömrə istismara verib ki, bu 2005-ci illə müqayisədə 116 409 ədəd çoxdur.
Azərbaycanda hər 100 nəfərə 14,55 stasionar telefon aparatı düşür. Bakı üzrə bu rəqəm 32,1 ədəd, regionlar üzrə isə 9,55 ədəd təşkil edir.