Azərbaycan, Bakı, 14 avqust/ Trend , müxbir S.Babayeva/ Azərbaycan Gürcüstanla yerüstü poçt mübadiləsini bərpa edə, gürcü-osetin münaqişəsi və onun nəticələrini nəzərə alaraq, tranzit poçtun daşınmasını həyata keçirə bilər. Bu barədə cümə axşamı Azərbaycanın Rabitə və İnformasiya Texnologiyaları Nazirliyinin Dövlət Müəssisələrinin Fəaliyyətinin Koordinasiyası Şöbəsi poçt sektorunun rəhbəri Novruz Məmmədov məlumat verib.
"Gürcüstan tərəfi bu işə əlaqədar bizə müraciət edərsə, yerüstü mübadilənin bərpası mümkün ola bilər", - Məmmədov bildirib.
Məmmədov bildirib ki, yerüstü mübadilə ötən il Gürcüstan tərəfindən, aviaəlaqənin olması nəzərə alınaraq, tələbat olmadığı üçün dayandırılıb.
Əvvəllər ilkin mərhələdə mübadilə həftədə iki dəfə həyata keçirilirdi, sonra tamamilə dayandırılıb.
Hazırda Azərbaycan yalnız İranla yerüstü poçt mübadiləsi həyata keçirir.
