Azərbaycan, Bakı, 09 oktyabr/ Trend , müxbir S.Babayeva/ "Azərbaycanın Rabitə və İnformasiya Texnologiyaları Nazirliyi Azerpocht Dövlət Müəssisəsinin özəlləşdirilməsi məsələsini nəzərdən keçirmir", - nazirliyin poçt sektorunun rəhbəri Novruz Məmmədov cümə axşamı bildirib.
Onun sözlərinə görə, "bununla bağlı hər hansı bir proqram və ya layihə yoxdur və bu məsələ gündəlikdə dayanmır".
Üç-beş il ərzində Azerpocht DM-in səhmdar cəmiyyətə çevrilməsinə baxıla bilər;bu, "Maliyyə xidmətlərinin inkişafı" layihəsinin realizəsinə kredit ayıran Dünya Bankının tələblərindən biridir.
"Bununla yanaşı, Dövlət Müəssisəsi səhmdar cəmiyyətə çevrilsə, nazirliyin tərkibində olacaq. Poçt strukturunun SC-yə çevrilməsi praktikası geniş yayılıb", - Məmmədov əlavə edib.
DM-in strukturuna 59 poçtamt, iki poçt müəssisəi, iki törəmə müəssisə və səkkiz rabitə qovşağı daxildir.
Azerpocht-un strukturunda Azərbaycanın bütün yaşayış məntəqələrini əhatə edən 1,3 min poçt rabitə bölməsi fəaliyyət göstərir. DM- in müəssisələrində 4,3 mindən çox əməkdaş çalışır.
Müəlliflə əlaqə saxlamaq üçün elektron ünvan: [email protected]