...

Azərbaycanın Dilmanc maşın tərcüməsi sistemindən istifadə edənlərin sayı 200 min nəfəri ötür

Telekommunikasiya Materials 23 Dekabr 2008 19:25 (UTC +04:00)

Azərbaycan, Bakı, 23 dekabr/ Trend / Azərbaycanın Rabitə və İnformasiya Texnologiyaları Nazirliyi və UNDP-nin birgə  layihəsi olan Dilmanc maşın tərcüməsi sisteminin ilk versiyasının buraxıldığı vaxtdan bəri ondan 200 mindən çox insan istifadə edib, - Rabitə Nazirliyi xəbər verir.

Son iki ayda Dilmanc sisteminin 2.5 versiyası üzrə 50 mindən çox endirim qeydə alınıb.

"Bu göstəricilər maşın tərcüməsi sisteminin istifadəçilərdə böyük maraq doğurmasını bir daha təsdiqləyir. Dilmanc-a nəinki Azərbaycanda, digər türkdilli respublikalar, Avropa və Amerikada tələbat var", - Rabitə Nazirliyindən bildiriblər.

Birgə layihə çərçivəsində, Azərbaycan dili üçün tətbiqi linqvistik texnologiyalar sahəində tədqiqatlar aparılır. Hazırda səsin tanınması və mətnlərin Azərbaycan dilində səsləndirilməsi texnologiyası yaradılır.

Rabitə Nazirliyindən hesab edirlər ki, bu tədqiqatlar perspektivdə formal sinxron tərcümə sistemi və səslə idarə olunan interaktiv axtarış sistemləri və digər intellektual sistemləri yaratmağa imkan verəcək.

Xəbər lenti

Xəbər lenti