Azərbaycan, Bakı 20, fevral / Trend , müxbir C.Babayeva/ 2009-cu ilin yanvar ayında informasiya texnologiyaları məhsullarının istehsalı və göstərilmiş informasiya xidmətləri 6,8 faiz qalxaraq 62,3 milyon manat təşkil edib, - Azərbaycan Respublikası Dövlət Statistika Komitəsindən xəbər verilir.
Ötürücü cihazların istehsalı 2,8 faiz, qəbul cihazları, səs və təsvir təsbiti cihazları 3,7 faiz, kompyuterlərin satışı və proqramla təchizi sahəsində 57,6 faiz, məişət elektrik cihazları və radiotelevizyon cihazların satışı sahəsində 2,1 faiz, elektron rabitə sahəsində isə 7,8 faiz artım olub.
İnformasiya sahəsində çalışan işçilərin orta aylıq əmək haqqı 25,3 faiz qalxaraq 440,7 manat təşkil edib.
Məqalə müəllifi ilə əlaqə ünvanı: [email protected]