Azərbaycan, Bakı, 07 may / Trend , müxbir S.Babayeva /
"Transmilli Avrasiya superinformasiya magistralının yaradılmasına dəstək haqqında" sənəd Azərbaycan hökumətinin təşəbbüsü ilə AŞ PA-nın 27-30 apreldə keçirilən növbəti iclasında yayılıb.
"Sənəd Avropa Şurasında maraqla qəbul edilib", - Azərbaycan Rabitə Nazirliyindən deyilir.
Bakıda rabitə nazirlərinin 2008-ci ilin noyabrındakı görüşü zamanı qəbul edilmiş qətnamənin əsas məqsədi AŞ Nazirlər Komitəsi və başqa qurumlar tərəfindən layihəyə dəstək əldə etməkdir.
Layihənin məqsədi ucuz və keyfiyyətli internetə çıxış əldə edilməsi, elektron informasiya şəbəkələrinin və elektron bazarın inkişafı üçün güclü informasiya strukturunun yaradılmasıdır.
RN-də hesab edirlər ki, layihənin realizəsi üzv-ölkələrə yalnız infromasiya texnologiyalarını deyil, sosial sektor və iqtisadiyyatın digər istiqamətlərini inkişaf etdirmək imkanı verəcək.
Ekspertlər hesab edirlər ki, layihənin həyata keçirilməsi üçün ilk növbədə vahid idarəetmə strukturu yaradılmalı, bütün maraqlı ölkələr şəbəkənin yaradılması, tariflərin idarə edilməsi üzrə vahid strategiyanın işlənməsində iştirak etməlidirlər.
Layihənin qiyməti hələ müəyyən edilməyib.
"Booz and Co" konsaltinq şirkətinin tədqiqatlarına əsasən, hazırda regionda broadband kommunikasiyanın penetrasiyası cəmi 5 faiz təşkil edir.
"Booz and Co" hesab edir ki, infrastrukturun inkişafına böyük vəsaitlər qoymaq lazımdır. Bu, gələcəkdə regiondakı informasiya axınının artırılmasına xidmət edəcək.
Transmilli Avrasiya yüksəksürətli informasiya magistralının yaradılması üzrə layihəni İKT-nin inkişafı üzrə BMT-nin Qlobal Alyansı, Rabitə sahəsində regional birlik, ТАЕ Assosiasiyası, Rusiya, Sloveniya, Estoniya, Belarus, ABŞ və b. ölkələrə dəstəkləyib.
Layihənin təşəbbüskarları Azərbaycan hökuməti və ABŞ-ın Ticarət və İnkişaf Departamentidir.
Məqalə müəllifi ilə əlaqə ünvanı: [email protected]
