Azərbaycan, Bakı, 16 iyun / Trend , müxbir U.İsmayılova /
Azərbaycan və Koreya bu ölkələr arasında əvvəlcədən imzalanmış qarşılıqlı anlaşma haqqında memorandumun icra edilməsi üzrə məsələləri müzakirə edəcək. Bu barədə Rabitə və İnformasiya Texnologiyaları Nazirliyinin çərşənbə axşamı yayılmış məlumatında deyilir.
Məlumatda deyilir ki, tərəflər elektron poçt sahəsində əməkdaşlığın inkişafı, Koreyanın poçt sahəsində, xüsusilə isə poçt maliyə xidmətlərinin göstərilməsində təcrübəsinin öyrənilməsi məsələrini müzakirə edəcəklər.
Azərbaycanın nümayəndə heyəti Koreyanın bir sıra poçt şöbələrinə baş çəkəcək, poçt xidmətlərinin götərilməsində tətbiq edilən yeni texnologiyalar ilə tanış olacaq, həmçinin poçt çeşidləşdirici mərkəzlərində və call-mərkəzlərində görüşlər keçirəcək.
Azərbaycanın Rabitə və İnformasiya Texnologiyaları Nazirliyinin nümayəndə heyəti iyunun 22-27-də Cənubi Koreyanın paytaxtı Seul şəhərində səfərdə olacaq.