Azərbaycan, Bakı, 25 sentyabr / Trend , müxbir H.Vəliyev /
Baş Dövlət Yol Polisi İdraəsi (BDYPİ) yeni sürücülərin avtomobilin idarə edilməsi ilə bağlı hüquq əldə etmək proqramına bir sıra düzəlişlər hazırlayacaq. Bu barədə Trend -a BDYPİ-dən deyilib.
İdarənin məlumatına görə, yenilik videoya yazılacaq idarəetmə üzrə təcrübi imtahan proseduru ilə əlaqədardır. İdarəetmə üzrə imtahan keçiriləcək sürücü şəhərciyində videokameralar quraşdırılacaq, sürücülərin sayıqlığının yoxlanılması üçün isə süni maneələr yaradılacaq. Bu, imtahan götürülməsi zamanı subyektivliyi kənarlaşdırmağa kömək edəcək.
Qaydaların dəyişdirilməsi təcrübəsiz sürücülər tərəfindən yaranan qəzaların qarşısını alacaq.
Məqalə müəllifi ilə əlaqə ünvanı: [email protected]