...

Azərbaycan Rabitə Nazirliyi CeBIT Bilisim-2009 sərgisinin işində iştirak edəcək

Telekommunikasiya Materials 5 Oktyabr 2009 14:55 (UTC +04:00)

Azərbaycan, Bakı, 05 oktyabr / Trend , müxbir H.Vəliyev/

Azərbaycanın Rabitə və İnformasiya Texnologiyaları Nazirliyi (RİTN) oktyabrın 7-dən 11-nə kimi İstanbulda keçiriləcək CeBIT Bilisim-2009 X yubiley sərgisində iştirak edəcək, bu barədə Trend -a RİTN-dən bildirilib.

CeBIT Bilisim sərgisi beynəlxalq biznes-meydanı kimi xidmət göstərir. Bu sərgidə IT sektoru şirkətləri öz həllərini nümayiş etdirir, potensial müştərilər ilə qarşılaşır, təcrübə mübadiləsi aparır, bu sahənin sonuncu nailiyyətləri ilə tanış olur, həmçinin bütün Avrasiya regionu üzrə yeni biznes-tərəfdaşlar tapırlar.

Sərginin işində 160 mindən çox qonağın iştirakı gözlənilir. CeBIT Bilisim-2009-un ümumi sahəsi 27 min kvadrat metr təşkil edəcək, üç böməyə ayrılacaq: "İş dünyası", "Məişət elektrotexnikası" və "Rəqəmsal həyat".

Ənənəvi olaraq elektron hökumətinə, innovasiyaya, rəqəmsal həyata dair bölmələr olacaq. Mobil və genişzolaqlı simsiz rabitə sektoru geniş təqdim olunacaq.

Sərgini 10 mindən çox peşəkar, menecer, alim, müxtəlif ölkələrdən dövlət hakimiyyəti orqanlarının nümayəndələri ziyarət edəcək. Sərginin əsas fəaliyyəti işgüzar dairələrin maraqlarını yeni həllərin yaradılmasına yönəltməkdən ibarət olacaq. CeBIT Bilisim-2009-un tematik bölmələrində yeniliklər və gələcəyi təşkil edən həllər təqdim olunacaq.

Bu il ilk dəfə olaraq sərginin işində korporativ sosial məsuliyyət mövzusuna toxunulacaq. Bu mövzuda bölmə təşkil olunub. Qonaqlar bölmədə şirkətlərin korporatv sosial layihələri ilə tanış ola bilər. Türkiyənin müxtəlif şəhərlərində fəaliyyət göstərən texnoparklar üzrə turların təşkili də vacib hadisələrdən biri olacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti