Azərbaycan, Bakı, 22 oktyabr / Trend , müxbir H.Vəliyev/
"Rəqəmsal texnologiya və yeni nəsil əsri: Gənclərin İT sahəsində imkanlarının artırılması" mövzusunda keçirilən beynəlxalq konfrans çərçivəsində Azərbaycanın Rabitə və İnformasiya Texnologiyaları Nazirliyi (RİTN) və İslam Konfransı Təşkilatının (İKT) Gənclər Forumunun ekspertləri tərəfindən Avropa və Yaxın Şərq ölkələrində proqramların yayımlanması konteksti ilə "Most" İnternet-televiziyanın yaradılması üzrə birgə iş təqdim ediləcək. Bu barədə RİTN-in məlumatında deyilir.
Konfrans 2-4 noyabr tarixlərində Bakıda keçiriləcək. Oktyabrın 3-də "Gəncliyin İT inkişafı" üzrə Bakı proqramının qəbul edilməsi gözlənilir. Proqram BakuTel-2009 Beynəlxalq sərgisi və "Telekommunikasiya və informasiya texnologiyaları" konfransı çərçivəsində keçiriləcək QDİƏT və İKT ölkələrinin rabitə nazirlərinin konfransında gənclərin tövsiyələri qismində təqdim ediləcək.
Məqalə müəllifi ilə əlaqə ünvanı: [email protected]