Azərbaycan, Bakı, 15 fevral / Trend , müxbir H.Vəliyev/
Yeganə təsisçisi Azərbaycan Beynəlxalq Bankı olan "AzəriCard" prosessinq mərkəzi vəsaitlərin kartdan karta köçürülməsi xidmətinin tətbiq edilməsinin imkanlarını nəzərdən keçirir. Bu barədə "AzəriCard"-ın biznesin inkişafı şöbəsinin müdiri Cahangir Məmmədov bazar ertəsi Trend -a bildirib.
"Müxtəlif banklar arasında nağd olmayan köçürmələr hazırda danışıqlar aparılan Visa International və MasterCard beynəlxalq ödəmə sistemi çərçivəsində mümkün olur", - Məmmədov deyib.
Pul vəsaitlərinin köçürülməsinin "Kartdan karta" universal xidməti xüsusi poçt rabitəsi və bank olmadan kart sahiblərinin ödəmələr etməsinə, yaxud bankomatlar vasitəsilə istənilən məbləğdə pul göndərilməsinə imkan verir. "Kartdan karta" pulköçürmə xidmətindən tam istifadə üçün xarici bankların texniki infrastrukturları da xidməti dəstəkləməlidir. İlkin məlumatlara görə, xidmətdən bu ilin ikinci rübünün sonunda istifadə etmək mümkün olacaq.
AzeriCard prosessinq mərkəzi 1997-ci ildə fəaliyyətə başlayıb və hazırda Azərbaycan, Rusiya (MBA-Moskva) və Özbəkistanda (Royal Bank of Scotland) 30 banka xidmət göstərir ki, bunlardan da 25-i beynəlxalq ödəmə sisteminin üzvləridir. Fəaliyyətə başladığı andan plastik kartlar dövriyyəsi 20 dəfədən az olmayaraq artıb. AzəriCard sistemdə hər il bir milyon tranzaksiya emal edir.
