...

Azərbaycanın poçt rabitəsi operatoru poçt göndərmələrinin İran vasirəsilə çatdırılması üzrə xidmət göstərməyə başlayacaq

Telekommunikasiya Materials 20 Fevral 2010 11:56 (UTC +04:00)

Azərbaycan, Bakı, 20 fevral / Trend , müxbir H.Vəliyev/

Azərbaycanın poçt rabitəsi operatoru "Azerpoçt" yaxın zamanlarda İran ərazisi vasitəsilə Naxçıvan Muxtar Respublikasına yerüstü poçt göndərmələri üzrə xidmət göstərməyə başlayacaq. Bu barədə Rabitə və İnformasiya Texnologiyaları Nazirliyinin məlumatında deyilir.

İranla poçt rabitəsi sahəsindəki əməkdaşlıq məsələləri İranın poçt rabitəsi operatorlarının dekabr ayında Azərbaycana səfəri zamanı müzakirə edilib.

İranla poçt rabitəsi sahəsindəki əməkdaşlıq Azərbaycanın Rabitə və İnformasiya Texnologiyaları Nazirliyi və İranın İnformasiya və Rabitə Nazirliyi arasında imzalanmış memorandum çərçivəsində həyata keçiriləcək. Sənəd dövlət başçısı İlham Əliyevin Tehrana 10 mart 2009-cu il tarixli səfəri zamanı imzalanıb.

İmzalanmış sənədə və memorandumla nəzərdə tutulmuş tədbirlərə əsasən, müntəzəm olaraq ikitərəfli görüşlərin keçirilməsi planlaşdırılır.

Hazırda Azərbaycandan İraq və Fars körfəzi ölkələrinə İran ərazisi vasitəsilə poçt göndərmələri etmək imkanları barədə razılıq da əldə edilib.

Xəbər lenti

Xəbər lenti