...

Hindistan "Şərq-Qərb" transmilli supermagistral layihəsi üzrə Azərbaycanın təklifini nəzərdən keçirməyə hazırdır – səfir

Telekommunikasiya Materials 30 İyul 2010 15:28 (UTC +04:00)

Azərbaycan, Bakı, 30 iyul /Trend, müxbir H.Vəliyev/

Hindistan "Şərq-Qərb" transmilli informasiya supermagistralı layihəsinin tikintisində iştirak üzrə Azərbaycan tərəfinin təklifini nəzərdən keçirməyə hazırdır. Bu barədə Trend-ə Hindistanın Azərbaycandakı səfiri Debnat Şou deyib.

Səfirin sözlərinə görə, bu həm layihənin, həm də Hindistanın Azərbaycanın təşəbbüsünü irəli sürdüyü layihədəki rolunu müəyyənləşdiriəcək.

"Magistral öz başlanğıcını Avropadan götürəcək və Əfqanıstan, Pakistan əraziləri vasitəsilə davam etdirəcək. Magistralın bir qolunun Hindistan istiqamətində ayrılması istisna edilmir. Layihə kommersiya xarakterli olacaq və hazırda ölkənin başlıca vəzifəsi layihəyə digər ölkələrin cəlb edilməsindən ibarətdir", - Şau bildirib.

"Şərq-Qərb" informasiya supermagistralının yaradılması üzrə Azərbaycanın irəli sürdüyü təşəbbüs BMT Baş Assambleyasının 64-cü sessiyasının 66-cı iclasında qəbul edilib. Təşkilat yoxsulluq səviyyəsinin aşağı salınmasına, iqtisadiyyatın səviyyəsinin artırılmasına istiqamətlənən və regionun inkişafı üçün lokomatıv rolunu oynayacaq layihəni alqışlayıb.

Layihə, ümumilikdə, 20 ölkəni birləşdirəcək və regionun inkişafında mühüm rol oynayacaq. Layihənin həyata keçirilməsi Qərbi Avropa və Sakit okean hövzəsinə daxil olan ölkələr arasındakı "informasiya uçurumu"nu aradan qaldırmağa imkan verəcək.

Xəbər lenti

Xəbər lenti