...

Azərbaycan və Avstriya əməkdaşlığın əsas istiqamətlərini müəyyənləşdirəcəklər

Telekommunikasiya Materials 18 Oktyabr 2010 19:04 (UTC +04:00)

Azərbaycan, Bakı, 18 oktyabr /Trend, müxbir H.Vəliyev/

Azərbaycan və Avstriya əməkdaşlığın əsas istiqamətlərini müəyyənləşdirəcəklər. Bu barədə Trend-ə bazar ertəsi Rabitə və İnformasiya Texnologiyaları Nazirliyinin beynəlxalq münasibətlər şöbəsinin müdir müavini Rüfət Tağızadə deyib.

Tağızadənin sözlərinə görə, əməkdaşlıq məsələsi oktyabrın 21-də Bakıda keçiriləcək iqtisadiyyat, kənd təsərrüfatı, sənaye, texnika və texnologiya sahəsində əməkdaşlıq üzrə Azərbaycan-Avstriya hökumətlərarası komissiyasının altıncı iclası zamanı müzakirə ediləcək.

Azərbaycan tərəfdən komissiyanın həmsədri rabitə və informasiya texnologiyaları naziri Əli Abbasovdur. Avstriya tərəfi iqtisadiyyat, ailə və gənclər federal nazirinin müavini səviyyəsində təmsil olunacaq.

İkitərəfli komissiya qarşılıqı faydalı əməkdaşlığı stimullaşdırmalı və iki ölkə arasında münasibətlərin gələcək inkişafı və möhkəmlənməsi üçün şərait yaratmalıdır.

Qarşıdan gələn müzakirələrin mövzusu iki ölkənin ticari-iqtisadi, tikinti, yanacaq və energetika, kənd təsərrüfatı, tibb və informasiya texnologiyaları sahələrində iqtisadi inkişafının indiki vəziyyəti və proqnozları olacaq.

İclasın yekunları üzrə bütün tövsiyələr Azərbaycanın rabitə və informasiya texnologiyaları naziri tərəfindən imzalanacaq protokolda qeyd ediləcək.

Xəbər lenti

Xəbər lenti