Azərbaycan, Bakı, 19 yanvar /Trend, müxbir H.Vəliyev/
2010-cu ilin yekunlarına görə, Azərbaycanda 121,7 milyon manat məbləğində kompüter, elektron, optik və elektrik avadanlıqları istehsal olunub. Bu barədə çərşənbə günü Azərbaycan Dövlət Statistika Komitəsindən məlumat verilib
Elektrik avadanlığının istehsalında 82,8 faiz artım qeyd olunub. Bununla yanaşı, səkkiz milyon manatlıq məhsul anbarlarda yerləşdirilib ki, bu da sənaye müəssisələri məhsullarının ümumi ehtiyatının dörd faizini təşkil edib.
2010-cu ilin yekunlarına görə, ölkədə 275 ədəd kompüter klaviaturaları istehsal olunub ki, bu da 2009-cu ilin analoji göstəricisindən 34,5 faiz azdır. Ötən ilin yekunlarına görə, monitor isehsalının 22,1 faiz azalması qeydə alınıb. İstehsal olunan monitorların sayı 2010-cu ildə 279 ədəd təşkil edib.
Ölkədə 303 məlumat saxlama qurğusu istehsal olunub ki, bu da 2009-cu ilin analoji göstəricisi ilə müqayisədə 28,5 faiz azdır.