Azərbaycan, Bakı, 2 fevral /Trend, müxbir H.Vəliyev/
Azərbaycanın İT şirkəti "İntelsoft" hotel və mehmanxanaların "on-line" bronlaşdırılması sisteminin yaradılması üzrə işlər aparır. Bu barədə çərşənbə günü "İntelsoft" şirkətinin direktoru Emin Nuriyev deyib.
Nuriyevin sözlərinə görə, "on-line" bronlaşdırma sistemindən İnternet şəbəkəsində istifadə etmək olacaq, bununla əlaqədar hazırda şirkət tərəfindən vahid portalın yaradılması üzrə işlər aparılır. Orada hotellər, onların təklif etdikləri tariflər, eləcə də "on-line" ödənişlərin edilməsi imkanı haqda informasiya yerləşdiriləcək.
Portal "Turizm və səyahət" AITF 2011 (28-30 aprel) Beynəlxalq ixtisaslaşmış sərgi çərçivəsində nümayiş olunacaq.
