...

Müraciətlərin sayının artması .az domeninin qeydiyyatı üçün qiymətlərin gələcəkdə azalmasına səbəb ola bilər

Telekommunikasiya Materials 3 Fevral 2011 18:58 (UTC +04:00)

Azərbaycan, Bakı, 3 fevral/Trend, müxbir H.Vəliyev/

Müraciətlərin sayının artması milli .az domeninin qeydiyyatı üçün qiymətlərin gələcək azalmasına səbəb ola bilər. Bu barədə cümə axşamı Trend-ə informasiya problemləri üzrə tədqiqat mərkəzinin rəhbəri Yaşar Hacıyev deyib.

Onun sözlərinə görə, domenin qeydiyyatı üçün ən aşağı hədd 15 manat və bir o qədər də illik texniki dəstək ola bilər.

"Bu gün *az domen zonasının qeydiyyat prosedurunun tərkib hissəsinin tənzimləyicisini yaxşı tarazlaşdırılmış adlandırmaq olar və bu sahənin gümün edirəm tənzimlənməsinə ehtiyac yoxdur. *az domeni üçün qiymətlər onun texniki tərkib hissələrinə, yəni, bilavasitə domenin texniki dəstəyinə, DNS serverlərə və s. əsaslanır. Bununla belə, qiymətlərin azalmasında əhəmiyyətli rolu istifadəçilər də oynaya bilərlər. Güman edirəm ki, milli domen zonasında qeydiyyatların sayı 50-60 minə çatsa, qiymətlər daha az ola bilər", - Hacıyev bildirib.

az milli zonası 1993-cü il avqustun 25-dən rəsmən fəaliyyət göstərməyə başlayıb.

Son 8 il ərzində .az domeninin qeydiyyatı üçün qiymət xeyli aşağı olub. Əvvəllər .az domeninin qeydiyyatı 100 dollara çatırdısa, bu gün qeydiyyatın qiyməti 20 manata bərabərdir. Domenin illik texniki dəstəyi də bir o qədər məbləğə başa gəlir.

WHOIS resurslarının fevralın 3-nə olan vəziyyətə görə statistikasına əsasən, .az milli domen zonasında 10976 internet resurs qeydiyyatdan keçib.

Qeydə alınan saytların ümumi sayından 9 903 ədəd domendə birinci səviyyəli qeydə alınan resursların payına düşür. İkinci səviyyəli daha populyar domen .com.az sayılır. Orada 557 sayt qeydə alınıb. .edu.az domen zonasında qeydə alınan internet resursların sayı 122 sayt təşkil edir.

Dünya statistikasına əsasən, dünyada aktiv domen adların ümumi sayı (fevralın 3-nə olan vəziyyətə görə) 127 580 386 ədəd təşkil edir. Daha sıx zona .com hesab edilir. Orada indi 92 601 425 internet-resurs aktivdir. İkinci yerdə .net-dir. Onun domenində 13 725 278 aktiv ad var. Üçüncü yerdə .org-dur. Orada 9 306 934 sayt var.

Xəbər lenti

Xəbər lenti