Azərbaycan, Bakı, 11 iyul /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyinin şəbəkəsinin abonentləri abonent telefon xəttinə keçidlə bağlı elektron ərizə təqdim edə biləcəklər. Bu barədə bazar ertəsi Trend-ə İB-nin texniki şöbəsinin rəisi Abbas Əhmədov məlumat verib.
Əhmədovun sözlərinə görə, yaxın vaxtlarda istifadəyə veriləcək yeni xidmət operatorun korporativ internet-resursu vasitəsilə fəaliyyət göstərir.
Proqram nazirliyin hesablama mərkəzi tərəfindən hazırlanır.
Eləcə də saytda telefon xətlərinin keçirilməsi üçün onlayn-ödənişlər etmək mümkün olacaq.
