...

Azərbaycanda daxil olan internet-trafikin həcmi 29,8 milyon dəqiqə artıb

Telekommunikasiya Materials 16 İyul 2011 14:57 (UTC +04:00)

Trend-i buradan izləyin


Аzərbaycan, Bakı, 16 iyul /Trend, müxbir H.Vəliyev/

Bu ilin yanvar-iyun aylarında Azərbaycanda daxil olan internet-trafikin həcmi ötən ilin analoji dövrü ilə müqayisədə 29,8milyon dəqiqə artıb. Bu barədə Rabitə və İnformasiya Texnologiyaları Nazirliyinin 2011-ci ilin birinci yarım ilin yekunları üzrə hesabatında bildirilir.
Nazirliyin məlumatına görə, çıxan trafikin həcmi 7,6 milyon dəqiqə artaraq 83,1 milyon dəqiqə təşkil edib.

Ötən dövr ərzində beynəlxalq telefon kanallarının miqdarı 1345 ədəd artaraq 9265 ədədə çatıb.

AZNET seqmentinin buraxılış qabiliyyəti 2,7 dəfə artaraq 40 Gbit/saniyəyə çatıb.
Habelə ötən dövr ərzində Azərbaycan ərazisi vasitəsilə Gürcüstan trafikinin tranziti imkanı təmin olunub.

Qazaxıstanın "KazTransCom" şirkəti ilə optik-lif magistralının Xəzər seqmentinin çəkilişi ilə bağlı "Məxfilik haqqında" saziş imzalanıb. Həmin magistralın çəkilişi çərçivəsində bu gün müvafiq işlər görülür.

Birinci rübün yekunları üzrə Rusiya istiqamətində kabel magistralının çəkilişi və bu magistralın yeni əlavə xəttin çəkilməsi yolu ilə genişləndirilməsinin layihələndirilməsi üzrə işlər başa çatıb.

İdarənin məlumatına görə, birinci yarım il ərfzində rabitə operatorlarına, hüquqi və fiziki şəxslərə informasiya-məlumat və intgellektual xidmətlərin göstərilməsi üçün 10 ədəd üçrərəmli prefiks verilib, 10 301 prefiks stasionar rabiktə şəbəkəsinin abonentləri üçün ayrılıb.

Ötən dövr ərzində rabiktə operatorlarına simsiz rabitənin təmin edilməsi üçün 11 min prefiks, eləcə də iki ədəd milli şəbəkə kodu ayrılıb.

Xəbər lenti

Xəbər lenti