Azərbaycan, Bakı, 8 avqust /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyinin Lənkəran telekommunikasiya qovşağı üzrə nömrə tutumu 31 866 ədədə çatıb. Bu barədə bazar ertəsi nazirlikdən verilən məlumatda deyilir.
Operatorun nömrə tutumunun ümumi sayından 27 844 ədədi istismardadır.
Lənkəran şəhəri üzrə 13 324, rayonun qəsəbələri üzrə 4704, kəndləri üzrə 9816 ədəd nömrə istismardadır.
Hazırda Lənkəran rayonu üzrə hər 100 ailəyə 73 telefon istifadəçisi düşür. Bu, ümumilikdə respublika üzrə orta statistik göstəricidən 12,5 faiz çoxdur.
