Azərbaycan, Bakı, 10 aprel /Trend, müxbir H.Vəliyev/
Azərbaycan Dövlət Radiotezliklər İdarəsinin (DRİ) Efirə nəzarət şöbəsi tərəfindən 2012-ci ilin I rübü ərzində 246 ədəd DRİ-də qeydiyyatdan keçməyən müxtəlif növ REV aşkarlanıb. Trend-in məlumatına görə, bu barədə DRİ-nin çərşənbə günü yaydığı məlumatda deyilir.
Ötən dövr ərzində DRİ-yə daxil olmuş göstəriş və müraciətlərə əsasən, 133 təşkilat, müəssisə və şirkətlərdə istsmar olunan radioelektron vasitələrə (REV) texniki baxış keçirilib və müvafiq qaydada aktlar tərtib edilib.
Qeydiyyatdan keçməyən REV-in ümumi sayından 120 (48,8 faiz) ədədi qeydiyyata salınıb, 53 (21,5 faiz) ədədi möhürlənib və 73 (29,7faiz) ədədin qeydiyyata salınması üçün müvafiq tədbirlər görülür.
Dövlət qeydiyyatından keçməyən qeyri-qanuni REV istifadəçilərinə qarşı İXM-in pozulması barədə 11 protokol yazılmış və müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.