Azərbaycan, Bakı, 29 iyun /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi "Elektron hökumət" portalının lazımi müdafiəsini təmin edib. Trend-in məlumatına görə, bu barədə cümə günü jurnalistlərə Dövlət Sosial Müdafiə Fondunun (sədri) Səlim Müslümov bildirib.
Onun sözlərinə görə, məlumatların qorunmasının əsas alətlərindən biri elektron-rəqəmsal imzadır.
"Əgər cinayətkarlar portalda yerləşdirilən sənədlərə hər hansı dəyişiklik etmək istəsələr, bu, dövlət qurumunun əsas bazasına təsir etməyəcək. Çünki o, tam təcrid olunub. Əgər dəyişikliklər əsas bazada edilsə, onlar avtomatik olaraq portalda əksini tapacaq", - Müslümov deyib.
Fondun əsas məlumat bazasının müdafiəsinə toxunan Müslümov qeyd edib ki, o, xarici şəbəkələrdən tam təcrid olunub ki, bu da məlumatların xarici təsirdən etibarlı müdafiəsini təmin edir.