...

Azərbaycan bazarında "TeliaSonera"nın gəlirləri artıb

Telekommunikasiya Materials 4 Fevral 2013 16:03 (UTC +04:00)

Azərbaycan, Bakı, 4 fevral /Trend, müxbir H.Vəliyev/

Azərbaycan bazarında 2012-ci ilin yekunları üzrə "TeliaSonera" şirkətinin gəlirlərinin həcmi inişilin analoji göstəricisi ilə müqayisədə 7,6 faiz artıb. Trend-in məlumatına görə, bu barədə şirkətin ötən ilin yekunları üzrə hesabatında deyilir.

"TeliaSonera"nın qiymətləndirmələrinə görə, satışdan əldə edilən xalis gəliri 2011-ci illə müqayisədə 0,485 İsveç kronu artaraq 3,449 milyon krondan 3,934 milyon krona çatıb.

Şirkətin Azərbaycanda yerli valyutada xalis satış həcmi alınmalar nəzərə alınmadan 9,4 faiz artıb.

Şirkətin yerli valyutada faizlər üzrə hesablamalardan, vergi və amortizasiya ödənişlərindən (EBITDA marja) mənfəəti 2011-ci illə müqayisədə 16,8 faiz artıb.

Ötən il "Azercell" şirkəti inkişaf və məlumatların ötürülməsi xidmətlərinin nüfuz etməsinin artımı üzrə bir neçə proqramı uğurla işə salıb. Hazırda onlardan əldə olunan gəlirlər ümumi gəlirin doqquz faizini təşkil edir. Bu gün "Azercell" min 3G baza stansiyasına malikdir.

Azərbaycan Mərkəzi Bankının məlumatına görə, manatın İsveç kronuna nisbətdə məzənnəsi fevralın 4-nə 0,124 manat təşkil edir.

"TeliaSonera"nın 74 faiz paya sahib olduğu "Fintur Holdings B. V"nin Azərbaycanın mobil rabitə operatoru olan "Azercell" şirkətində iştirak payı var.

Məqalədə:
Xəbər lenti

Xəbər lenti