Azərbaycan, Bakı, 18 fevral /Trend, müxbir H.Vəliyev/
Yaxın vaxtlarda Gürcüstan, Bolqarıstan və Ukraynanın Trans-Milli Avrasiya Super İnformasiya Magistralı (TASİM) layihəsinə qoşulması gözlənilir. Trend-in məlumatına görə, bu barədə bazar ertəsi rabitə və informasiya texnologiyaları nazirinin müavini İltimas Məmmədov hakim Yeni Azərbaycan Partiyasını rəsmi saytına müsahibəsində deyib.
Məmmədovun sözlərinə görə, indi beş ölkənin telekommunikasiya operatorları (Çin, Qazaxıstan, Rusiya, Azərbaycan və Türkiyə) layihənin reallaşması üçün konsorsium yaratmaq üzərində işləyirlər.