Azərbaycan, Bakı, 2 dekabr /Trend, müxbir H.Vəliyev/
Azərbaycanda mobil rabitə operatorlarının şəbəkələrində mobil nömrələrin daşınması xidmətlərinin (MNP) 2014-cü ilin yanvarından işə salınacağı gözlənilir. Trend-in məlumatına görə, bu barədə bazar ertəsi jurnalistlərə "Azercell" şirkətinin baş direktoru Kiril Qaburiç deyib.
Onun sözlərinə görə, şirkət xidmətin işə salınmasına texniki cəhətdən hazırdır:
"Layihəyə bir çox strukturlar cəlb edilib və bununla əlaqədar olaraq həmin xidmətin istismara verilməsi bütün tərəflərin hazırlığından asılıdır".
