Azərbaycan, Bakı, 25 fevral /Trend, müxbir H.Vəliyev/
Azərbaycanın Müdafiə Sənayesi Nazirliyinin "Peyk" zavodu DVB-S standartında olan peyk televiziyası siqnallarının qəbulu üçün tünerlərin istehsalına hazırlaşır. Bu barədə çərşənbə axşamı Trend-ə zavoddan məlumat verilib.
Müəssisənin məlumatında deyilir ki, hazırda ölkənin peyk televiziyası operatoru olan "SmartTVPlus" üçün bu qurğuların tədarükü məsələsi üzrə danışıqlar aparılır.
Qurğu ödənişli televiziya kanallarına şərti çıxış sistemi və kartriderlərlə təchiz olunacaq. Peyk TV xidmət təchizatçısı şifrələmə sistemindən istifadə edə biləcək ki, bu sistemin qorunmuş qəbuledicilərlə uyğunluğu zamanı kontenti qanunsuz baxışdan qorunacaq.
"Peyk" zavodu 1993-cü ildə Azərbaycanda Fransanın "M.U.P. Industrie G.I.E." konsorsiumunun iştirakı ilə yaradılıb. 1993-2005-ci illərdə zavod Azərbaycan Xüsusi maşınqayırma və konversiyalar üzrə Dövlət Komitəsinin tərkibində fəaliyyət göstərib.
2006-cı ilin sentyabrından zavod Müdafiə Sənayesi Nazirliyinin tərkibinə daxil olub.
