...

Azərbaycan .baku domeninin alınması üçün ICANN-a müraciət edib

Telekommunikasiya Materials 3 İyul 2014 19:58
Azərbaycan yüksək səviyyəli .baku domeninin alınması üçün məsələ qaldırıb.

Trend-i buradan izləyin

Azərbaycan, Bakı, 3 iyul /Trend, müxbir Hüseyn Vəliyev/

Azərbaycan yüksək səviyyəli .baku domeninin alınması üçün məsələ qaldırıb. Trend-in məlumatına görə, bu barədə jurnalistlərə Azərbaycanın rabitə və yüksək texnologiyalar naziri Əli Abbasov deyib.

Onun sözlərinə görə, bu məsələyə ICANN-ın (Domen adlarının mənimsənilməsi üzrə Təşkilat) 22-26 iyun tarixlərində Londonda keçirilən 50-ci beynəlxalq konfransı çərçivəsində baxılıb.

Nazir qeyd edib ki, bu gün dünyanın bir çox iri şəhərləri öz yüksək səviyyəli domenlərini əldə edirlər: ".baku domeninə gəldikdə isə biz bu domenin alınması təşəbbüsü ilə çıxış etmişik. Bununla belə, biz təşkilati və iqtisadi məsələləri həllini tapandan sonra domenin akkreditasiyası ilə məşğul olacağıq".

Bundan əvvəl "IntraNS" şirkətindən Trend-ə bildirmişdilər ki, yüksək səviyyəli domenin alınması məsələsində tələsməyə dəyməz: "Bu məsələni ehtiyac yaranacağı təqdirdə həll etmək lazım olacaq".

Agentliyin həmsöhbətinin fikrincə, Azərbaycanın bu məsələdə gözləmə mövqeyində olduğunu demək olar.

Qeyd edək ki, ICANN-a bir ərizənin qiyməti təqribən 180 min dollar təşkil edir.

Məqalədə:
Xəbər lenti

Xəbər lenti