Azərbaycan, Bakı, 14 iyul /Trend, müxbir Hüseyn Vəliyev/
Trans Avrasiya super informasiya magistralının sualtı seqmentinin tikintisi layihəsinin iştirakçılarının layihənin öz xərcini çıxarmasını yenidən qiymətləndirmələri lazımdır. Bu barədə bazar ertəsi Trend-ə "KazTransCom" şirkətinin infrastruktur layihələri üzrə icraçı direktoru Aleksandr Kislitsın bildirib.
Onun sözlərinə görə, bu gün bir çox şirkətlər layihənni öz xərcinin sürətlə çıxarmaqda maraqlıdırlar, lakin çox az şirkətlər uzunmüddətli layihələrin reallaşdırılmasına vəsait yatırmağa hazırdır.
Kislitsın deyib: "Bizə tranzitin həcmləri lazımdır. Biz infrastrukturun inkişafına kömək edəcək layihəyə kapital qoyuluşları edirik. Kommersiya sərfəliliyinə gəldikdə, burada mənfəətlə çalışan çoxlu özəl şirkətlər var. Müvafiq olaraq, marja yüksək olmalı və xərcinin çıxarma müddəti çox böyük olmamalıdır. Çünki növbəti böhranın arta biləcək xərcini çıxarma müddətlərinə təsir edəcəyi istisna olunmur. Buradan çıxış edərək, layihənin xərcini çıxarmasına yenidən baxılması lazımdır".
Kislitsınin sözlərinə görə, layihənin iqtisadi sərfəliliyinə gəldikdə, son 2-3 ildə tranzirt marşrutlar bazarında vəziyyətin dəyişməzi ilə bağlı müəyyən çətinliklər var:
"Frankfurtla Honkonq arasında marşrutlar çox böyükdür. Hansı marşrutla getməyi seçən edən, məsələn, "China Telecom" kimi qlobal müəyyənedici şirkətlər mövcuddur. Müvafiq olaraq, onlar kabelin dəniz seqmentinin çəkilişi istiqamətində addımlar atırlar. Tezliklə, Hind okeanının dibi ilə çəkilən magistral istismara veriləcək. Bu marşrut bu gün bütün dünyada keçirtmə qabiliyyəti ilə müqayisə edilə bilən nəhəng buraxılış qabiliyyətinə malikdir.Bu ciddi rəqabət yaradır. Və trafikin TASİM üzrə ötürüləcəyinə zəmanət yoxdur".
O qeyd edib ki, TASİM martşrutu üzrə ötürmə fasiləsiz olmalıdır və Frankfurtla Honkonq arasında siqnallarda yubanma nə qədər az olarsa, bu marşrut Avropanı və Çini o qədər daha çox maraqlandırar.
Kislitsınin sözlərinə görə, TASİM layihəsinin reallaşdırılmasına maneçilik törədən amillərdən biri dünyadakı qeyri-sabit vəziyyət ola bilər.